Misioni ynë
Ne besojmë se një formim profesional i mirë dhe i suksesshëm do t’i përgatisë nxënësit për mundësitë ekzistuese të punës që rezultojnë në një vend pune pas përfundimit të shkollimit. Sistemi i arsimit dual i dëshmuar si i sukseshëm në Gjermani, u mundëson nxënësve të mësojnë në praktikë dhe të zhvillojnë njohuritë dhe aftësitë e kërkuara të cilat janë të nevojshme për të punuar në institucionet e kujdesit shëndetësor. Akademia Profesionale Heimerer synon të ofrojë programe të avancuara profesionale në fushën e shëndetësisë përmes mësimdhënësve të kualifikuar, mentorëve me përvojë praktike dhe përdorimit të metodave dhe teknologjive moderne. Duke bashkuar trajnimin në shkollë dhe mësimin praktik në vendin e punës, ne duam të sigurojmë që kualifikimet dhe aftësitë që fitohen të përputhen me kërkesat e sistemit shëndetësor në Kosovë dhe jashtë saj.
